mc acara pernikahan

 

Puji kalih syukur ka dzat anu maha gofur alloh swt anu parantos nangtayungan urang sadaya siang sinareng wengi, rehna dina dinten ieu urang tiasa paamprok jonghok patepang raray di ieu acara dina kaayaan sehat wal afiyat

Solawat miwah salam urang curahkeun ka jungjunan urang sadaya habibana wanabiyana kanjeng nabi Muhammad saw. pamugi syafa’at mantena lungsur ka para kulawargina ka para sohabatna tur dugika urang sadaya anu lebet kana umatna jaga dugi ka yaumil akhir.

Bapa kalih ibu hormateun pribados, oge kanca mitra hormateun pribados, kalayan asmana sohibul baet simkuring ngahaturkeun wilujeng sumping disarengan ku laksa ketik kabingahan ka sadaya anu rawuh dina ieu tempat, utamina ka rombongan calon panganten pameget anu parantos panceg dina waktosna. Nu ditunggu parantos cunduk nu dianti parantos sumping taya hahalang rintangan.

Alhamdulillah dina wanci nu mustari ieu, gusti nu maha suci parantos ngabulkeun paneda urang sadayana, rehna dina dinten ieu urang sami rawuh kanggo masihan pido’a kalih restu kangge kadua insan anu baris ngajatuk rami wastana,,,,putri kaasih ti bapa...... kalih ibu..... anu bade didahup ku wastana .......... putra kadeudeuh ti pangersa bapa......kalih ibu.....

Anu sumangga urang doakeun ku sadayana pamugi calon mempalai saparantosna diakadan sing dijantenkeun kulawargi anu sakinah mawaddah warohmah kenging ridona  gusti alloh swt. amin

Bapa ibu hormateun simkuring, sateu acanna ngiring jabung tumalapung lumampah cumarita seja wakca balaka wireh sim kuring sanes pujangga anu ahli ngareka basa, kumargi kitu paralun maklum anu kasuhun, hampura anu diteda boh bilih dina ngadadar ieu acara kirang dina kakedahannana.

Nu dianti tikamari nu didago-dago tibareto diantos-antos saban waktos kiwari parantos cunduk nyucruk galur tikapungkur mapay laratan para anbiya niti wanci nu mustari ninggang nangsa nu utama, kalayan nyebat asmana alloh ieu acara seja dikawitan, bismillah..........

Bapa ibu sateu acann urang lajeungkeun kana acara akad nikah, urang regepkeun hela sami-sami lantunan ayat suci alquran anu bade baris dilantunkeun ku .......kalayan sagala kahormatan disumanggakeun

Hatur nuhun ka pangersana ust...... anu parantos ngaoskeun lantuna ayat suci alquran

Bapa kalih ibu anu sami linggih,

Sateuacanna urang lajeungkeun ka acara anu salajengna sakumaha adat sareng budaya urang sunda teu afdol pami aya kedal lisan ti wawakil kedua  mempelai

Kumargi kitu urang regepkeun ku sadayana gerentes qolbu ti kasepuhan kulawargi panganten pameget anu baris didugikeun ku pangersana ........

Haturnuhun ka kersana ...... anu parantos ngadugikeun kedal lisan ti calon mempelai pameget

Anu salajeungna urang kupingkeun kedal lisan panampian ti pihak calon mempelai istri anu dibade didugikeun ku.............. Kalayan sagala kahormatan disumanggakeun

Kedal lisan papasrahan sareng panampian ti dua belah pihak parantos didugikeun

Atuh anu salajeungna sakumaha adat kailaharan sumangga kangge cacandakan tipihak calon panganten pameget disanggakeun sacara simbolis ka pihak calon panganetn istri.